Brekkuskóli Akureyri

Snillinganámskeið er þjálfun í samskiptum, tilfinningastjórn og athygli barna með ADHD

Fjölskyldudeild Akureyrarbæjar býður börnum með ADHD að taka þátt í námskeiði til að efla færni á ýmsum sviðum. Námskeiðið er fyrir börn fædd árið 2002 og 2003 og eru 6 börn í hverjum hóp. Áhersla er lögð á að auka færni barna í félagslegum samskiptum, skapstillingu, sjálfsstjórn og að bæta athyglisgetu þeirra. Hópurinn hittist tvisvar í viku 2 tíma í senn, í 5 vikur (10 skipti alls) með tveimur þjálfurum.


Lesa meira

Hér á vefsíðunni erum við að byrja á þeirri nýjung að árgangar og faggreinar sjái um að setja föstudagspósta sína á vefsíðu skólans. Eins er markmið starfsfólks að vera duglegri að setja inn myndir frá skólastarfinu.
Eins og sést hér að neðan hefur 1. bekkur þegar sett inn sinn fyrsta póst sem um leið er n.k. "frétt vikunnar" úr skólastarfinu. Vonum við að þessi nýbreytni fái góðar viðtökur, efli enn frekar gagnsæi skólastarfsins og geri vefinn okkar enn meira lifandi.

Endilega skoðið skemmtilgar myndir af hörkuduglegum nemendum í 1. bekk. Myndirnar má finna undir flipanum "MYNDIR" hér að ofan :)