Stefnuyfirlýsing
“Brekkuskóli á að vera öruggur vinnustaður þar sem starfið mótast af virðingu og umhyggju. Skólayfirvöld, starfsfólk,
foreldrar og nemendur Brekkuskóla lýsa því yfir að hvorki einelti né annað ofbeldi verður liðið í skólanum.”
Hvað er einelti?
Einelti er endurtekið ofbeldi, líkamlegt eða andlegt, þar sem einn eða fleiri níðast á einum, sem á erfittmeð að verjast. Einelti felur í sér misbeitingu á valdi með þeim afleiðingum að þolanda líður illa og hann finnur til varnarleysis.
Eineltisáætlun – til hvers?
Til að:
- fyrirbyggja einelti
- bæta liðan og öryggi nemenda
- bregðast við grun um einelti á fullnægjandi hátt
Hvernig gerum við það?
- Með fræðslu
Nemendur fá kynningu á áætlun gegn einelti í skólanum: Umsjónarkennarar gegna lykilhlutverki við að efla samskipti innan bekkja. Reglulegir
bekkjafundir verði í hverjum bekk þar sem rædd eru málefni bekkjarins (starfsfólk sjá 6. kafla í handbók um Olweusarkerfið).
Umsjónarkennarar sjái um reglubundna fræðslu um einelti í sínum bekkjum. Til staðar í hverri bekkjarstofu verði veggspjald sem sýni
"eineltishringinn" sem grípa má til. Umræður fari fram um eineltishringinn að minnsta kosti einu sinni á hverju skólaári.
Skólastjórnendur eru ábyrgir fyrir fræðslu meðal starfsfólks.
- Með starfandi eineltisteymi sem í sitja skólastjórar, deildarstjórar, umsjónarmaður sérkennslumála, námsráðgjafi og tveir fulltrúar kennara.
Eineltisteymi Brekkuskóla hittist fimmtudaga kl.13:20 eða eftir nemendaverndarráðsfund eftir atvikum.
