Sýn
Brekkuskóli vill leitast við að gefa öllum starfsmönnum sínum kost á að auka starfshæfni sína, þroska og færni í starfi.
Markmið
Helsta markmið endurmenntunar starfsfólks á að vera að auka færni þess til að takast á við þau daglegu viðfangsefni sem upp koma í starfinu á degi hverjum. Markmið endurmenntunarinnar á m.a. að vera að ný sýn og framþróun eigi að hafa áhrif á starfið í kennslustofunni og því eru framfarir nemenda einn mælikvarðinn á árangur endurmenntunarinnar ásamt því að styrkja samstarf og sameiginlega sýn starfsmanna á skólastarfið. Skólinn vill á grundvelli kenninga og rannsókna þróa vinnubrögð og laða fram breyttar áherslur í skólastarfinu eftir því sem við á.
Framkvæmd
· Lagðar eru Markviss kannanir fyrir starfsfólk þar sem greinur er áhugi og umbótaþörf starfsfólks fyrir mismunandi námsframboð. Í framhaldi af því er metin þörf fyrir endurmenntun til lengri tíma, lagt mat á sértæka þörf skólans fyrir fræðslu á tilteknum sviðum og stefna til lengri tíma mótuð í framhaldi af því. Verkið verði í höndum skólastjórnenda.
· Stefnt er að því að endurmenntun fari sem allra mest fram á starfstíma skólans og leitað verður eftir samstarfi við RHA.
Skýringar
Skv. kjarasamningi kennara skulu þeir nýta 150 klst á ári til endurmenntunar og undirbúnings. Endurmenntunin skal fara fram skv. endurmenntunaráætlun skólans og þeim áherslum sem eru hverju sinni í umbótastarfi hans. Þess er ekki getið hvernig 150 stundirnar skuli skiptast milli endurmenntunar og undirbúnings, það er samkomulagsatriði við hvern og einn kennara.
