Nemendafélag - nemendaráð
Meðal nemenda í 8. – 10. bekk er starfandi nemendafélag sem vinnur að ýmsum
hagsmunamálum og félagsmálum nemendanna. Eftir er að skipa stjórn félagsins fyrir þetta skólaár.
Í yngstu bekkjum skólans er lítið um formlegt félagslíf nema það sem foreldrar eða bekkjarkennarar sjá um. Getur þar verið um ýmis konar bekkjarsamkomur að ræða. Þó taka yngri nemendur þátt í árshátíð og sjá þar um skemmtiatriði undir stjórn kennara sinna.
Nemendafélag í unglingadeildum velur sér forystu og starfsmenn í kosningum að hausti. Þá eru einnig kosnir tveir fulltrúar úr hverjum bekk í nemendaráð. Þessir fulltrúar eru tengiliðir við stjórn nemendaráðs og með nýjum lögum sitja þeir einnig fundi Skólaráðs.
Nemendaverslun
Í frímínútum rekur 10. bekkur verslun til ágóða fyrir ferðasjóð. Lögð er áhersla á að selja vörur sem eru taldar hollar og næringarríkar. Ekki er selt sælgæti, gos eða ís.
