Skrifstofa Skóladeildar er til húsa að Glerárgötu 26, 1. hæð. Skrifstofan er opin alla virka daga kl. 8:00 - 16:00. Síminn er 460 1000 (þjónustuborð) og 460 1455 (beinn sími). Vefsíða Skóladeildar
Starfsfólk skrifstofunnar er:
Gunnar Gíslason, fræðslustjóri gunnarg@akureyri.is
Árni Konráð Bjarnason, fjármálastjóri arnik@akureyri.is
Aðrir skólar á Akureyri
Hlutverk skrifstofunnar er:
· að undirbúa mál sem skólanefnd þarf að fjalla um hverju sinni
· að fylgja eftir samþykktum skólanefndar
· að hafa umsjón með sameiginlegum málefnum allra skólanna
· að vera tengiliður milli skóla bæjarins og annarra bæjarstofnana
· að annast önnur mál sem sveitarfélögum er ætlað að sinna samkvæmt grunnskólalögum
· að annast önnur mál sem skólanefnd kanna að fela skrifstofunni hverju sinni.
Komið hefur verið á fót á vegum Skóladeildar vefriti um skólamál á Akureyri er kemur út vikulega og nefnist ”Skóla – akur” Vefritið er í umsjón Gísla Baldvinssonar. Markmiðið með útgáfunni er að auka upplýsingaflæði, kynningu og efla umræðu um það sem efst er á baugi á hverjum tíma í leik- grunn- og tónlistarskólum. Slóðina má finna á vef Skóladeildar.
Skólanefnd fer með málefni leikskólanna og grunnskólanna á Akureyri samkvæmt lögum og reglugerðum um þá, sveitarstjórnarlögum og því sem bæjarstjórn felur henni að öðru leyti. Skólanefnd fer einnig með málefni Tónlistarskólans á Akureyri samkvæmt samþykkt bæjarstjórnar. Skólanefnd skal sjá um að öll börn á Akureyri njóti lögboðinnar fræðslu. Í störfum sínum ber skólanefnd einnig að sjá um að allir nemendur á skyldunámsstigi hljóti sem besta aðstöðu og jöfnust tækifæri til náms og að skólinn veiti sérhverjum nemanda fræðslu eftir aldri sínum og þroska og í samræmi við gildandi námsskrá á hverjum tíma.
Skólanefnd hefur yfirumsjón með þeirri þjónustu skólanna og því skólatengdu starfi sem veitt er í skólunum utan skólatíma svo sem skólavistun.
Skólanefnd fylgist með og stuðlar að því að skólum sé tryggður aðgangur að sérfræðiþjónustu í samræmi við gildandi lög og reglugerðir.
Skólanefnd skal sjá um að jafnan sé fyrir hendi fullnægjandi húsnæði og annar útbúnaður.
Skólanefnd gerir tillögu til bæjarstjórnar um skiptingu bæjarins í skólahverfi.
