Aðalnámskrá grunnskóla byggist á lögum um grunnskóla 91/2008. Ný aðalnámskrá grunnskóla tók gildi 1. ágúst 2007 og kemur til framkvæmda í skólum frá og með skólaárinu 2007-2008 eftir því sem við verður komið og skal að fullu vera komin til framkvæmda eigi síðar en þremur árum liðnum frá gildistöku. Jafnframt fellur aðalnámskrá grunnskóla frá 1999 úr gildi.
Aðalnámskrá grunnskóla 2007 er eingöngu gefin út á rafrænu formi. Hún greinist í þrettán hluta, almennan hluta og tólf greinahluta. Í almenna hlutanum er meðal annars fjallað um uppeldishlutverk grunnskólans, meginstefnu í kennslu og kennsluskipan og hlutfallslega skiptingu tíma milli námssviða og námsgreina. Í greinahlutum aðalnámskrár eru sett fram meginmarkmið í námi og kennslu og fjallað um inntak og skipulag námsá tilteknum námssviðum.
