Fréttir

Þriðjudaginn 12. og miðvikudaginn 13. ágúst 2014 verður námskeið í Brekkuskóla um Uppbyggingu sjálfsaga.  Námskeiðið stendur yfir frá kl. 09:00 - 16:00 báða dagana og eru námkeiðsgögn innfalin. Boðið er upp á hressingu og hádegisverð meðan á námskeiði stendur. Skrifstofa skólans er lokuð á meðan á námskeiði stendur. Það er Judy Anderson sem ætlar að vera með okkur að þessu sinn og fara yfir það sem hún kallar sjálfstjórnarkenningu e. "control theory" og vinnur hún samhliða með nemendum námskeiðsins að hagnýtum verkefnum. Hér fyrir aftan má finna helstu gögn námskeiðsins í pdf formi: Líkan Control theory - Judy Anderson Sjö venjur í samskiptum Spurningaspjald rt

Staðfesting í Frístund fyrir skólaárið 2014 – 2015 fer fram miðvikudaginn 13. ágúst kl. 10:00 – 15:00 Ágætu foreldrar/forráðmenn. Börn í 1.-4. bekk skólans eiga kost á gæslu eftir skólatíma dag hvern til kl. 16:15. Frístund er tilboð sem er hluti af skólastarfinu og er hluti af heildarstefnu skólans.  Staðfesta þarf umsókn um dvöl í Frístund með dvalarsamningi sem tilgreinir hvaða daga og tíma á að nota. Börn geta ekki byrjað í Frístund fyrr en gengið hefur verið frá dvalarsamningi. Þeir sem komast ekki ofangreindan dag eru vinsamlegast beðnir um að haf samband samkvæmt neðangreindum upplýsingum og við finnum saman annan tíma.

Skólastarf hefst með samtölum nemenda, foreldra og umsjónarkennara 21. og 22. ágúst 2014. Foreldrar skrá sig í samtal og fer hún fram á Mentor. Foreldrar/forráðamenn fá sendan tölvupóst þegar opnað hefur verið fyrir skráningu. Reikna má með að það verði opnað á tímabilinu 15. - 18. ágúst. Upplýsingar um skólavist, húsnæði skólans, námsgögn og skóladagatal má nálgast sem hér segir: Húsnæði skólans. Hafið samband við umsjónarmann skólahúsnæðisins eða skólastjóra. Umsókn um skólavist í Brekkuskóla. Umsóknareyðublað sendist útfyllt á ritara skólans. Námsgagnalistar fyrir skólaárið 2014 - 2015. Skóladagatal fyrir skólarið 2014 - 2015.

Hér getur að líta fleiri myndir frá skapandi skólastarfi í Brekkuskóla skólaárið 2013 -2014. Hér eru það verk úr myndmennt, textíl og smíðum.

Brekkuskóli tók þátt í Unicef söfnun á vordögum með því að taka þátt í fjölbreyttri hreyfingu á 16 stöðvum sem íþróttakennarar settu upp á skólalóðinni. Nemendur létu heita á sig og söfnuðu alls 286.299 kr. sem lagðar voru inn á reikning Unicef. Þá er ótalin sú upphæð sem lögð var beint inn á reikninginn hjá Unicef og við eigum eftir að fá nánari upplýsingar um.  Við þökkum nemendum, foreldrum og forráðamönnum kærlega fyrir að leggja góðu málefni lið og stuðla að samkennd meðal nemenda um stríðshrjáð börn. Þeir sem vilja leggja málefninu frekari lið geta lagt inn á reikning Unicef kt.481203-2950 reikn. 701-26-102010. Munið að setja "Brekkuskóli" sem skýringu á greiðslunni.

Skólaslit Brekkuskóla fóru fram föstudaginn 6. júní. Stundin var hátíðleg að venju. Það eru  62 nemendur sem kveðja núna skólann og innritaðir hafa verið 49 nemendur í 1. bekk næsta skólaár. Stjórnendur þakka nemendum, foreldrum/forráðamönnum og samstarfsfólki samstarfið skólaárið 2014 - 2015. Myndir frá útskriftarathöfn 10. bekkja. Starfsdagar verða dagana 10. - 12. júní 2014. Skrifstofa Brekkuskóla verður opin frameftir júnímánuði, en lokar eftir það vegna sumarleyfa. Þeir sem eiga eftir að skila Unicef umslögum eða vilja koma framlagi til Unicef geta komið framlögum á skrifstofu.

Í Brekkuskóla skipuleggja kennarar sérstakan gleðidag sem er tilbreytingadagur þar sem gleðin er höfð sérstaklega að leiðarljósi. 6. bekkur hjólaði í Kjarnaskóg þennan dag og skemmti sér konunglega í góða veðrinu eins og sjá má á meðfylgjandi myndum. Samfélagsfræði í 6. bekk. Myndir frá samfélagsfræðiverkefni í 6. bekk þar sem unnið var þverfaglega og heimilisfræði fléttuð inn í vinnuna. Nemendur bökuðu kanilsnúða sem eru sænskir að uppruna.

Brekkuskóli hafnaði í 3. - 4. sæti í spurningakeppni grunnskólanna þetta skólaárið. Lið Brekkuskóla er skipað sem hér segir:  Halldór Heiðberg Stefánsson, Jóhannes Stefánsson og  Hallgrímur Hrafn Guðnason en þeir eru allir í 10. bekk FDG. Þeir kepptu við Réttarholtsskóla í morgun í undanúrslitum. Keppnin fór fram í gegnum Skype á Hótel Örk þar sem þeir eru staddir í skólaferðalagi. Við þökkum keppendum fyrir þeirra framlag til keppninnar. Þeir voru sjálfum sér og skólanum til sóma. Áfram Brekkuskóli!

Eitt af verkefnum 2. bekkjar er að þrífa skólatöskuna sína í heimilisfræði. Kennarinn poppaði handa þeim að verki loknu. Ekki er að sjá annað en að allir séu hæstánægðir með verkefnið. Myndir.

Verk- og listgreinar er mikilvægur þáttur í skólastarfi Brekkuskóla. Hér má finna myndir frá verkefnum sem nemendur hafa verið að vinna á liðnu skólaári. Nemendum er margt til lista lagt eins og sést á eftirfarandi  myndum: Textílmennt Textílmennt 2 Heimilisfræði Textílmennt og Smíðar haust 2013