Mötuneyti
Skólinn leggur áherslu á að nemendur neyti hollrar og næringaríkrar fæðu. Í skólanum er rekið mötuneyti þar sem nemendur geta keypt sér heitan mat í hádeginu og hvetjum við foreldra eindregið til að nýta sér þá þjónustu.
Skráning í mötuneyti fer fram í Völu skráningarsíðu. https://matur.vala.is/umsokn
Skrá þarf þá nemendur sem óska eftir þjónustu mötuneytisins fyrirfram og fer skráningin fram mánaðarlega.
Matseðill skóladeildar er lagður til grundvallar matseðli skólans.
Hafragrautur er fram borinn í mötuneyti skólans alla skóladaga frá kl.07:45 07:55 nemendum og starfsfólki að kostnaðarlausu. Nemendur á unglingastigi eiga einnig kost á að fá hafragraut í fyrstu frímínútum að morgni.
Verðskrá mötuneytis
Ef keyptar eru máltíðir alla virka daga mánaðarins í svokallaðri annaráskrift, er hver máltíð á 457 kr. pr. máltíð.
Mjólkuráskrift ( fyrir önn) er 42 kr. pr. dag og ávaxtaáskrift er 95 kr. pr. dag.
Fjölskylduafsláttur reiknast af grunngjaldi. Til að njóta fjölskylduafsláttar þurfa börnin að ver skráð á kennitölu sama forráðamanns og með sameiginlegt lögheimili. Yngsta barn fullt gjald, annað barn 30% afsl., þriðja barn 60% afsl. og fjórða barn 100% afsl.
Skólaritari Steingerður (Denna) veitir frekari upplýsingar varðandi pantanir og verðlagningu.
Sími 414 - 7900
Matráður skólans er Júlíus Jónsson matreiðslumaður.
Hádegisverður
Nemendur neyta hádegisverðar á eftirfarandi tímum:
- Kl.11:10 7. - 8. bekkir
- Kl. 11:20 1. bekkur
- Kl. 11:25 2. bekkur
- Kl.11:30 3. bekkur
- Kl.12:00 9. - 10. bekkur
- Kl.12:20 4. - 6. bekkur
Mötuneytið er í miðrými skólans. Athygli er vakin á að ekki er ætlast til að nemendur séu með gosdrykki eða sælgæti í skólanum nema við sérstök tækifæri með leyfi stjórnenda. Nemendur geta einnig borðað nesti að heiman í matsal skólans á matmálstímum eins og þeir sem eru með pantaðan mat.
Eingöngu má vera með mat og drykk í matsal skólans. Ekki er ætlast til að nemendur borði á göngum, í setustofu eða kennslustofum.