Félagsmiðstöð
OPIN HÚS Í FÉLAGSMIÐSTÖÐVUM AKUREYRAR
Félagsmiðstöð Brekkuskóla fyrir 8.-10. bekk ber heitið Trója og er staðsett í Brekkuskóla. Félagsmiðstöðin býður upp á opið starf þar sem oftast unglingarnir sjálfir, undir handleiðslu starfsmanna, skipuleggja og sjá um viðburði.
Opnunartímar í Tróju eru sem hér segir:
- Þriðjudagar: 20:00-22:00
- Fimmtudagar: 20:00-22:00
Dagskrár fyrir opin hús birtast á heimasíðu Brekkuskóla og á Instagram síðu Tróju - www.instagram.com/trojafelagsmidstod
Helstu upplýsingar um starfsemina, t.d. eins og dagskrá komandi mánaðar og auglýsingar og upplýsingar um stærri viðburði er að finna inni á Instagram síðu Tróju. Slóðin þangað er www.instagram.com/troja_felagsmidstod. Einnig kemur mánaðardagskrá félagsmiðstöðvarinnar inn á heimasíðu Brekkuskóla.
Allir nemendur í 8.-10. bekk eru velkomnir í allar félagsmiðstöðvar á Akureyri en þær eru 7 samtals. Mætingarstig gilda á milli félagsmiðstöðva og með þeim öðlast krakkarnir rétt á þátttöku á Samfest, aðalviðburð Samfés, sem fer fram að vori til á hverju ári.
Á opnu húsi viljum við að öll hafi gaman og viðmiðið er að unglingar viti hvað má og hvað má ekki án þess að taka þurfi það sérstaklega fram hverju sinni. Hins vegar er ágætt að minna á að unglingunum er óheimilt að vera með í vörslu sinni eftirtalda hluti í félagsmiðstöðinni, jafnt innan dyra sem utan, og í ferðum á vegum hennar:
- Orkudrykki
- Áfengi
- Vape, nikótín púða eða aðrar nikótín vörur
- Tóbak
- Aðra vímugjafa
Séu reglur félagsmiðstöðvarinnar brotnar er haft samband við foreldra. Starfsfólk félagsmiðstöðvarinnar mætir broti á reglum með viðeigandi hætti. Ef brotin eru alvarleg eða síendurtekin getur viðkomandi misst rétt á þátttöku á viðburðum félagsmiðstöðvarinnar (t.d. á Samfest).
Umsjónarmenn Tróju eru:
Hallgrímur Ingi Vignisson - Deildarstjóri Forvarna- og Frístundamála í Brekkuskóla. - hallgrimur.ingi@akmennt.is
Petra Reykjalín Helgadóttir - Félagsmiðstöðvarfulltrúi í Brekkuskóla - petra.reykjalin.helgadottir@akureyri.is
Opnunartímar annarra félagsmiðstöðva á Akureyri eru eftirfarandi:
- Dimmuborgir í Giljaskóla - Þriðjudaga og fimmtudaga kl. 20:00 - 22:00
- Himnaríki í Glerárskóla - Mánudaga og miðvikudaga kl. 20:00 – 22:00
- Lundur í Lundarskóla - Mánudaga og miðvikudaga kl. 20:00 - 22:00
- Naustaskjól í Naustaskóla - Þriðjudaga og fimmtudaga kl. 20:00 - 22:00
- Stjörnuríki í Oddeyrarskóla - Mánudaga og fimmtudaga kl. 20:00 – 22:00
- Undirheimar í Síðuskóla - Mánudaga og miðvikudaga kl. 20:00 – 22:00
Starf Miðstigs
Miðstigsopnanir eða opin hús eru fyrir börn í 5. – 7. bekk. Þær eru í eina og hálfa klukkustund í senn og er opið í Tróju (Brekkuskóla) á þriðjudögum á milli 14:30 – 16:00.
Starfið er með þeim hætti að starfsmenn Tróju skipuleggja dagskrá fyrir opin hús en krakkarnir hafa val um að fylgja dagskránni eða einfaldlega njóta þess sem félagsmiðstöðin hefur að geyma; spila borðtennis, hlusta á tónlist o.s.frv. undir eftirliti og leiðsögn starfsmanna. Dagskrá fyrir starfsemina á miðstigi er hægt að finna inni á heimasíðu Brekkuskóla.