Starfskynningar 9. bekkjar 2025
05.06.2025
Hluti af náms- og starfsfræðslu í Brekkuskóla er að nemendur 9. bekkjar kynni sér nám og störf í samfélaginu. Markmið með kynningunum er að efla tengsl skóla og samfélags auk þess að gefa nemendum áþreifanlega reynslu úr atvinnulífinu. Hlutverk nemenda meðan á starfskynningum stendur er að afla sér upplýsinga um starfsemi og menntun innan fyrirtækisins auk þess að taka þátt í þeim verkefnum sem þeim er falið á hverjum vinnustað.
Dagana 2. - 3. júní kynntu nemendur sér nám og störf fyrirtækja og stofnana sem þeir völdu. Að því loknu útbjuggu þeir kynningar þar sem þeir fræddu foreldra sína, samnemendur og kennara um það sem þeir kynntu sér á vinnustöðunum.
Svona stórt verkefni er ekki hægt að bjóða upp á nema með aðstoð foreldra og þeirra fyrirtækja sem tóku á móti nemendum okkar og gáfu tíma sinn í verkefnið, kærar þakkir fyrir okkur.
Anna Harðardóttir
Náms- og starfsráðgjafi