Fréttir

Kennt er samkvæmt aðferðafræði Skema og fléttað inn í kennsluna söguborðum, hugarkortum, smá sálfræði út frá virkni heilans og fræðslu um þau jákvæðu áhrif sem kennsla í forritun getur haft á börn. Þátttakendur munu sjá forrit verða að veruleika og upplifa hvað forritun getur verið skemmtileg auk þess hvernig hún getur nýst inn í aðrar námsgreinar. Hægt er að finna leiðbeiningar um hvernig Alice forritunarumhverfið er sótt á youtube.com/skemaeducation (Opnast í nýjum vafraglugga).

Spurningakeppni grunnskólanna fer fram miðvikudaginn 28. nóvember kl. 17:00 í sal Brekkuskóla. Níu lið keppa að þessu sinni, tvö lið í einu. Nánari tímasetningar eru áætlaðar sem hér segir: Brekkuskóli, Hríseyjarskóli, Dalvíkurskóli og Oddeyrarskóli eru klukkan 17:00 Síðuskóli, Naustaskóli, Grenivíkurskóli og Glerárskóli rúmlega 18:00 Reikna má með að tímasetningar standist ekki alveg. Í fyrra var keppnin búin um kl. 21:00 Lið Brekkuskóla skipa: Halldór Heiðberg Stefánsson Jóhannes Stefánsson Margrét S. Benediktsdóttir Áfram Brekkuskóli! Ætlar þú að mæta? Enginn aðgangseyrir. Sjoppa 10. bekkinga verður opin.

Comeniusarverkefnið okkar þetta skólaárið hefur fengið lógó sem hér birtist. Lógóið er búið til af nemendum í samstarfsskólanum í Izmir í Tyrklandi. Einnig hefur verið sett upp vefsíða fyrir verkefnið þar sem upplýsingar um verkefnið og verk nemenda munu birtast. Vefurinn er hér, en einnig hér neðar á forsíðu vefsíðu Brekkuskóla.

Brekkuskóli tók þátt í verkefninu "Göngum í skólann" að venju, en þetta er í sjötta sinn sem verkefnið er haldið. Það voru 7. EJ og 6. ÞG sem stóðu sig best þetta skólaárið, en 6. ÞG vann einnig í fyrra. Þau fá að launum gullskóna góðu til varðveislu og deila bekkirnir með sér vörslunni. Þau fengu einnig sippuband, snú-snú band og bolta til afnota í frímínútum, en verðlaunin voru gefin af samstarfshópnum um Göngum í skólann. Nemendum og starfsfólki eru færðar kærar þakkir fyrir þátttökuna og góðan árangur. Öll erum við síðan hvött til að taka þátt í næsta átaksverkefni sem hefst 6. febrúar og nefnist "Lífshlaupið". Nánar um verkefnið á www.gongumiskolann.is Bekkur Gangandi/Hjólandi Akandi 2. bekkur 93% 7% 4. bekkur 92% 8% 5. bekkur 95% 5% 6. bekkur 98% 2% 7. bekkur 98% 2% 8. bekkur 89% 11% 10. bekkur 80% 20%  Meðalt. 92% 7,9%

Morgunmóttaka hjá 5. bekk verður þriðjudaginn 4.desember kl. 08:00 - 09:00. Brauðbollur og kaffi selt í matsal samkvæmt venju. Sjáumst í skólanum!

Nú er komið að árshátiðarballi Brekkuskóla sem allir hafa beðið eftir. Ballið byrjar kl 20.30 og stendur til miðnættis. Ballið er fyrir 8.-10.bekk en 7. bekkingar Brekkuskóla eru einnig velkomnir. Hinn geysivinsæli Jón Jónsson spilar ásamt DJ Bernódusi Óla. Aðgangseyrir er 1000 kr. Sjáumst! 10. bekkingar Brekkuskóla

Ef veður eru válynd er reglan sú að  foreldrar meta hvort þeir treysta börnunum í eða úr skóla. Starfsfólk er til taks í skólanum, en skóla er ekki aflýst nema í allra verstu veðrum. Þegar svo er þá er það gert með auglýsingu í útvarpi fyrir alla grunnskóla Akureyrarbæjar. Ef foreldrar meta það svo að þeir treysti ekki barni sínu í skólann þá eru þeir beðnir um að tilkynna það í síma 462-2525 eða með tölvupósti frá foreldri á brekkuskoli@akureyri.is  og þá er leyfi skráð á barnið. Nánar hér

Brynhildur Þórarinsdóttir kom í síðast liðinni viku og las fyrir 1. - 3. bekk úr bók sinni  Blávatnsormurinn sem er á metsölulista Eymundsson um þessar mundir. Gunnar Helgason kemur í heimsókn til 4. og 5. bekkja í Brekkuskóla 21. nóvember kl. 10:40 - 11:40 og les upp úr sögunni  Aukaspyrna á Akureyri sem einnig er á lista yfir söluhæstu bækur um þessar mundir. Bókin er æsispennandi saga sem stelpur og strákar um allt land hafa beðið óþreyjufull eftir síðan þau lögðu frá sér Víti í Vestmannaeyjum. Frá upplestrinum. Þorgrímur Þráinsson kemur í heimsókn til okkar 22. nóvember næstkomandi og mun lesa upp úr verkum sínum . Nýjasta bók Þorgríms er "Krakkinn sem hvarf" . Frá upplestrinum. Hann hittir nemendur sem hér segir: kl. 08:00 - 9:20 10. SGP í stofu 316 kl. 09:40 - 11:00 10. SÁ í stofu 316 kl. 11:20 - 12:00 4. og 7. bekkir í stofu 202-203 kl. 13:10 - 13:50 5. - 6. bekkur á sal

Í dag kom fulltrúi frá foreldrafélagi Brekkuskóla og afhenti nemendum örbylgjuofn og samlokugrill að gjöf. Tækin verða staðsett í sjoppu skólans sem 10. bekkur rekur ár hvert. "Vinum Brekkuskóla" sem er heiti á sjóði foreldrafélags skólans og styrktur af foreldrum eru færðar bestu þakkir fyrir.

Helgina 10. - 11. nóvember 2012 fór fram píanókeppni Epta í Salnum í Kópavogi, en Epta eru samtök evrópskra píanókennara. Keppt varr í þremur flokkum: 1. flokkur 14 ára og yngri, 2. flokkur 18 ára og yngi og 3. flokki 25. ára og yngri. Fulltrúi Tónlistarskólans á Akureyri var hinn 14 ára gamli Alexander Smári Kristjánsson Edelstein 9. SS Brekkuskólasem keppti í fyrsta flokki en kennari hans er Þórarinn Stefánsson sem er foreldri hér við skólann. Skemmst er frá því að segja að Alexander Smári sigraði í sínum flokki. Starfsfólk og nemendur Brekkuskóla óskar Alexander og Þórarni innilega til hamingju með frábæran árangur.