Náttúrufræðingur Brekkuskóla

Í Brekkuskóla er dagur íslenskrar náttúru haldinn hátíðlegur ár hvert með verkefninu Náttúrufræðingur Brekkuskóla. Verkefnið miðar að því að auka þekkingu nemenda á íslenskri náttúru, hvort sem um er að ræða fugla, plöntur eða landslag. Nemendur í 4.–10. bekk taka þátt og að lokinni vinnu er haldin athöfn á sal skólans. Þar fá nemendur viðurkenningu fyrir góða frammistöðu og einn er útnefndur náttúrufræðingur skólans.

Að þessu sinni var það Aðalgeir Hannes Árdal sem hlaut heiðurinn.
Með honum á myndinni eru frá vinstri: Arnheiður Fanney Árnadóttir, Sigurbjörn Rökkvi Bergvinsson, Margrét Lára Rúnarsdóttir, Aðalgeir Hannes Árdal og Mikael Máni Jensson, sem öll fengu viðurkenningu fyrir góðan árangur.