Fréttir

Skólinn hefst að venju með samtölum nemenda, foreldra og kennara 22. og 23. ágúst. Boðun í samtöl verður send í tölvupósti. Skráning í samtölin fer fram á Mentor eftir að tölvupóstur hefur borist. Ný lykilorð eða glötuð má nálgast samkvæmt leiðbeiningum þar um í tölvupósti frá skólanum um skólabyrjun.

Framlög Brekkuskóla í Unicef söfnunina enduðu í 131.984 krónum. Það er frábær árangur! Fjölmörg ómerkt framlög bárust frá Akureyri svo ef til vill er upphæðin hærri í raun.

Akureyrarbær hefur ákveðið að útvega nemendum í grunnskólum bæjarins öll helstu námsgögn í byrjun næsta skólaárs.

Dagana 22. og 23. maí verður væntanlegum 1. bekkingum boðið í Brekkuskóla.

Fréttabréf desembermánaðar er komið út, þar má m.a nálgast upplýsingar um Litlu-jólin, Erasmus+ verkefni og vinaverkefni sem unnið var á yngsta stigi. 

Mánudaginn 28. nóvember verður starfsdagur hjá starfsfólki Brekkuskóla og nemendur í fríi, frístund verður opin fyrir hádegi fyrir börn sem þar eru skráð.

3. bekkur fékk góða heimsókn slökkviliðsmanna í tilefni af eldvarnarviku slökkviliða um land allt.  Rætt var um eldvarnir og fengu börnin að skoða brunabílinn.  Í framhaldi af því svöruðu börnin getraun og fengu ýmsar viðurkenningar fyrir m.a. handbók heimilisins um eldvarnir.  Hér má sjá myndir frá heimsókninni.

Miðvikudagurinn 16. nóvember er dagur íslenskrar tungu. Sá dagur markar einnig upphaf Stóru upplestrarkeppninnar. Af því tilefni unnu nemendur í 2. og 7. bekk saman.  Lásu nemendur í 7.bekk fyrir vinabekk sinn og svo unnu allir saman við að skrifa sögu. Nokkrar myndir hér:

Viðbrögð í grunnskólum þegar tvísýnt er um færð og veður 1.       Meginreglan er sú að leik- og grunnskólar eru opnir nema lögregla gefi út tilmæli um að fólk sé ekki á ferli.  2.      Ef skólahald fellur niður þá sendir skóladeild tilkynningu þess efnis á RÚV og Bylgjuna fyrir kl. 7.00 að morgni. 3.       Öllum skólum ber að setja tilkynningu á heimasíðu í þeim tilfellum sem tvísýnt er með veður og færð eða þegar skólahald er fellt niður. Einnig skulu skólar senda út póst í Mentor með sömu tilkynningu. 4.       Við tvísýnar aðstæður sem geta verið breytilegar eftir bæjarhlutum þá er það ávallt foreldra/ forráðamanna að meta hvort þeir treysti börnum sínum í skóla og fylgi nemendum í 1.-7. bekk inn í skólann. Mikilvægt er að láta vita í skólann í netfangið brekkuskoli@akureyri.is ef barnið er heima.  5.       Ef skólahaldi er ekki aflýst er tryggt að starfsfólk sé til staðar á auglýstum skólatíma í öllum skólum. Börn sem koma í skólann eru ekki send heim áður en skólatíma lýkur.